Friday, February 14, 2014

ប្រវតិ្តរបស់ អ្នកបំរើតាមយន្តហោះ Air Hostess

បើចង់និយាយត្រូវតែចាប់និយាយពីឆ្នាំ ១៩១២ នៅប្រទេស អាឡឺម៉ង់ ដែលបានបង្កើតឲ្យមានការ ធ្វើដំណើរនៅលើអាកាសលើកដំបូងក្នុងលោកដោយ កាប៉ាល់បាឡុង AirShip ដោយបានដាក់ដំណើរការនៅតែក្នុងប្រទេសប៉ុណ្ណោះដេលមានលក្ខណះហឺហាសម្រាប់អ្នកមាន និងមានល្បឿន លឿនជាងរថទេះភ្លើង

ដោយសារតែសម័យនោះអ្នកធ្វើដំណើរសុទ្ធតែជាអ្នកមាន និង អ្នកមានកិត្តិយសក្នុងសង្គម ផ្នែក AirSHIP ក៏ត្រូវការអ្នកជំនួយការតាមការហោះហើរមកចាំ បំរើ ដែលហៅថា Flight Attendant ដែល ជាបុរសជនជាតិអាឡឺម៉ង់ដំបូងគេបង្អស់ គឺលោក Heinrich Kubis ស្ថិតក្នុងតួនាទីជា Steward

បុរសឈរពាក់អាវពណ៏ខ្មៅ

តែអ្វីដែលយើងចង់និយាយគឺរឿងរបស់ Air Hostess មិនមែនរបស់ Steward ទេ ហើយដោយសារតែ អ្នកបំរើភ្ងៀវតាមយន្តហោះ ភាគច្រើនជាស្រ្តី ដូចនេះហើយបានជាគេមិនហៅថា Steward ដោយគេបាន

ហៅថា Stewardess រឺ Air Hostess នឹងឯង

ដោយសារដំណែងនេះស្ទើរតែគ្មាននៅលើលោកនេះទៅហើយ ហើយដោយសារតែនារីម្នាក់នេះបានធ្វើ

ឲ្យកើតឡើងនៅអាជីពនេះ រហូតដល់ពេលបច្ចុប្បន្ន ហើយអ្វីដែលត្រូវនិយាយត គឺជាដើមកំណើតនៃ ការ

បើកបរតាមយន្តហោះនៅ អាមេរិចនៅឆ្នាំ ១៩២៦ តាមជើងយន្តហោះបែបងាយៗ គឺ ក្នុងយន្តហោះមាន

កាពីតែនម្នាក់ អ្នកបំរើម្នាក់ដោយបំរើអ្នកជិះប្រមាណ ២០នាក់ ដោយសារតែយន្តហោះសម័យនោះ នៅមានកំរិត ហោះបានត្រឹមតែ ៥០០០ ហ្វុតតែប៉ុណ្ណោះក្នុងកំពស់នោះ អាកាសធាតុមិនល្អ ប្រែប្រួលណាស់ ជិះរលាក់ ពុលរលកពេញនឹងឯង ដូចនេះហើយសេវាកម្មបំរើតាមយន្តហោះក៏មានតម្រូវការខ្ពស់ដែរ នៅឯអាឡឺម៉ង់ក៏ត្រូវការ Steward ជាបុរសនៅឆ្នាំ ១៩២៨ ចំណែកឯ អាមេរិចវិញនៅឆ្នាំ ១៩៣០ វិញ

ជើងហោះហើររបស់ក្រុមហ៊ុន Boeing Air Transport ក្រោយមកប្តូរឈ្មោះទៅជា United Airlines

ចង់ជួលអ្នកបំរើតាមយន្តហោះ ក៏ធ្វើឲ្យរបរ Air Hostess កើតមានឡើងតែម្តងទៅ

នារីឈ្មោះ Ellen Church វ័យ ២៦ ឆ្នាំ ជនជាតិអាមេរិច ជាស្រ្តីដំបូងគេ ដែលដើរតួនាទីនេះ ដំបូងឡើយនាងជាអ្នកព្យាបាលជំងឺ Nurse អ្នកមើលថែ ដោយចង់ក្លាយជាអ្នកជអ្នកបើកយន្តហោះ ក៏បានទៅស្នើរសុំ ក្រុមហ៊ុន Boeing Air Transport រៀនធ្វើជា Pilot តែដោយសារ គេមិនយកស្ត្រីជាអ្នកបើកបរទេ ហើយគេក៏នឹកឃើញ ចង់ឲ្យមានអ្នកបំរើតាមយន្តហោះដូចនៅ អាឡឺម៉ង់ដែរ ក៏សម្រេចចិត្តយកនាង មកធ្វើការទៅ ដោយអ្នកគ្រប់គ្រងពេលនោះក៏គឺ លោក Steve Stimpson

គេក៏សម្រចចិត្តជួលនាងចំណួន ៣ ខែ ដោយសារតែនាងធ្វើការបានល្អ ជួយបានច្រើន នូវការថែរក្សា អ្នកពុលយន្តហោះ គេក៏សម្រេចជួលនាងបន្តទៀត ហើយឲ្យនាងទៅរក អ្នកព្យាបាល ៧ នាក់មកថែម ទៀត បានធ្វើឲ្យនាងក្លាយជា Air Hostess ដំបូងគេក្នុងលោក

ប្រែសម្រួលជាខេមរភាសាដោយ ខ្ញុំបាទ សឿត រស្មី
តាមដោយ http://trachoo.com/2014/02/14/how-air-hostess-happened-into-this-world/

Monday, February 10, 2014

Angkor WAT found!!!

សេ្តចខ្មែរពីអតីតកាល បានបោះបង់ រាជធានីរបស់ខ្លួន នៅសៀមរាប រួចទៅសង់រាជធានីថ្មី នៅចតុមុខ ហើយក៏បំភ្លេចចោល នូវរតនបិតិកភណ្ឌជាតិ រហូតដល់ថ្ងៃ ដែលលោក Henri Mouhot បានមកស្រាវជ្រាវ រកឃើញប្រាសាទអង្គរ ឈរកណ្តាលព្រៃស្រោង នៅឆ្នាំ១៨៦០។ ពេលនោះ លោក ហង់រី បានគូរនិងថត ផ្តិតយករូបភាពផ្សេងៗ ទៅបង្ហាញពិភពលោក តាមរយៈ ការបោះពុម្ពសៀវភៅ តាមការបោះពុម្ពកាតប៉ុស្តាល់ និង ការតាំងពិពណ៌អន្តរជាតិ នៅប្រទេសបារាំង។ គិតទៅ លោកហង់រី ម៉ូហូ មានគុណបំណាច់មហិមា ដល់ប្រទេសខ្មែរ ដោយបានបន្សល់ ស្នាដៃរបស់លោក ជាច្រើនរាប់មិនអស់ ដើម្បីដាស់ស្មារតីខ្មែរ អោយវិលបែរ មកសាងមោទភាពជាតិ របស់ខ្លួនសាជាថ្មី ឡើងវិញម្តងទៀត!!

Monday, February 3, 2014

រមណីយដ្ឋានក្នុងខេត្តបាត់ដំបង

រមណីយដ្ឋានក្នុងខេត្តបាត់ដំបងមាន៣ប្រភេទសំរាប់ភ្ញៀវទេសចរទស្សនាកំសាន្ត

បូព៌ា

រមណីយដ្ឋានក្នុងខេត្តបាត់ដំបង

ខេត្តបាត់ដំបង ៖ «បាត់ដំបង» ជាឈ្មោះខេត្តដែលពាក់ព័ន្ធនឹងរឿងព្រេងបុរាណនិទាន «តាដំបងគ្រញូង» ។ បើយោងតាមសិលាចារិក K205, K206, K211, K214 ទឹកដីខេត្តបាត់ដំបង រួមមានមួយផ្នែកស្ថិតនៅភាគខាងលិច និងភាគពាយ័ព្យនៃបឹងទន្លេសាបជាអតីតទឹកដី «អាមោឃៈបុរៈ និងមួយផ្នែកទៀតស្ថិតនៅភាគខាងត្បូងឆៀងខាងលិច ជាចំណែកមួយនៃអតីត «ភិមបុរៈ» ។ នៅក្នុងសៀវភៅព័ត៌មានទេសចរណ៍របស់ខេត្តបាត់ដំបងបានសរសេរថា តាមការស្រាវជ្រាវ ខេត្តបាត់ដំបងប្រហែលជាទឹកដីមួយឯករាជ្យពាក់កណ្តាល និងចំណុះឱ្យនគរចេនឡាពាក់កណ្តាលនៅដើមសតវត្សទី៦ ។ នៅចំកណ្តាលទីរួមខេត្តបាត់ដំបងបច្ចុប្បន្ន គឺជាទីក្រុងបុរាណដ៏ចំណាស់មួយដែលត្រូវបានប្រសិទ្ធនាមថា «ទីក្រុងបេតិកភណ្ឌដ៏ប្រណីត» ក្នុងក្រសែភ្នែកទេសចរគ្រប់រូប និងបានបន្សល់ទុកនូវអនុស្សាវរីយ៍ជាច្រើនជាមួយសំណង់បេតិកភណ្ឌដូចជា អគារសាលាខេត្តចាស់ ស្ពាន ថ្នល់ ផ្ទះល្វែងរាប់រយខ្នង ដែលជារចនាបថល្អឯក ដងស្ទឹងសង្កែដែលហូរកាត់ជាច្រើនតំបន់រមណីយដ្ឋានប្រសាទបុរាណ ភ្នំ ល្អាងភ្នំ ធម្មជាតិ វប្បធម៌ ទំនៀមទំលាប់ និងជីវភាពរស់នៅរបស់ម្ចាស់ស្រុកជាដើម ។

លោកម៉ក់ ស៊ីណារ៉ា អនុប្រធានមន្ទីរទេសចរណ៍ខេត្តបាត់ដំបង បានថ្លែងថា បច្ចុប្បន្នរមណីយដ្ឋាននៅក្នុងខេត្តបាត់ដំបងមានប្រហែល៣០កន្លែង ប៉ុន្តែមានប្រហែល២០កន្លែងប៉ុណ្ណោះដែលភ្ញៀវទេសចរតែងធ្វើដំណើរទៅ ទស្សនាកំសាន្ត ។ លោកម៉ក់ ស៊ីណារ៉ា បានថ្លែងទៀតថា តំបន់ទេសចរណ៍ខាងលើនេះបានត្រូវបែងចែក៣ប្រភេទ គឺ១-មរណីយដ្ឋានបែបវប្បធម៌ ២-រមណីយដ្ឋានបែបធម្មជាតិពិតៗ និង៣-រមណីយដ្ឋានបែបកែច្នៃ...។ លោកអនុប្រធានរូបនេះបានបញ្ជាក់ប្រាប់ពីលក្ខណៈរមណីយដ្ឋាននីមួយៗថា រមណីយដ្ឋានបែបវប្បធម៌មានដូចជាប្រាសាទបុរាណ ផ្ទះបុរាណ ឬភូមិវប្បធម៌ សារមន្ទីរ ទីវត្តអារាមចំណាស់ៗ ។ ប៉ុន្តែរមណីយដ្ឋានធម្មជាតិខ្លះក៏ជារមណីយដ្ឋានបែបវប្បធម៌ដែរ ព្រោះជាអតីតបុរេប្រវត្តិ ដូចជាល្អាងភ្នំទាក់ទ្រាំង ដែលស្ថិតនៅស្រុករតនមណ្ឌលជាដើម ។ រីឯរមណីយដ្ឋានបែបធម្មជាតិវិញ ដូចជា រមណីយដ្ឋានបរិស្ថានសេកសក រមណីយដ្ឋានជ្រលងបុព្វតា រមណីយដ្ឋានថ្មសំរូត រមណីយដ្ឋានពពុះពេជ្រចិន្តា និងរមណីយដ្ឋានរាប់សិបកន្លែងទៀត ដែលសុទ្ធសឹងជារមណីយដ្ឋានបែបធម្មជាតិពិតៗ ។ រមណីយដ្ឋានទាំងនេះភាគច្រើននៅតាមតំបន់ព្រៃភ្នំ ជាពិសេសស្ថិតនៅតាមដងស្ទឹងសង្កែ ដែលហូរកាត់ស្រុកបាណន់ ស្រុករតនមណ្ឌល និងស្រុកសំឡូត ។

ដោយឡែករមណីយដ្ឋានបែបកែច្នៃវិញ លោកម៉ក់ ស៊ី ណារ៉ា បានពិពណ៌នាថា វាគឺជារមណីយដ្ឋានដែលយើងកែច្នៃរៀបចំតុបតែងឱ្យក្លាយជាតំបន់ ទេសចរណ៍ ឧទាហរណ៍ដូចជាតំបន់ទេសចរណ៍អាងកំពីងពួយនេះជាដើម ។ លោកថ្លែងថា តំបន់ទេសចរណ៍អាងកំពីងកំពួយ ជាការកើតឡើងក្នុងសម័យខ្មែរក្រហម (៣ឆ្នាំ ៨ខែ ២០ថ្ងៃ) ដែលពួកមេដឹកនាំខ្មែរក្រហមកេណ្ឌមនុស្សរាប់សែននាក់ដាក់ប្រើកំលាំងបាយ សុទ្ធសាធ ដើម្បីលើកទំនប់ទប់យកទឹកប្រើប្រាស់បង្កបង្កើនផល ប៉ុន្តែរហូតមកទល់បច្ចុប្បន្ននេះ វាបានក្លាយជាតំបន់ទេសចរណ៍ដ៏ពេញនិយមបំផុតក្នុងខេត្តបាត់ដំបង ។ ប៉ុន្តែនៅតាមរមណីយដ្ឋានបែបធម្មជាតិខ្លះក៏មានការកែច្នៃបន្ថែម ខ្លះៗដែឬ ដើម្បីឱ្យតំបន់នេះមានសោភ័ណភាពកាន់តែប្រសើរឡើង ។ ទោះជាបែបណា បើយោងតាមការផ្តល់ព័ត៌មានជាក់ស្តែង នៅតាមតំបន់ទេសចរណ៍នីមួយៗ នៅក្នុងខេត្តបាត់ដំបង គឺតំបន់ទេសចរណ៍ដែលពេញនិយមបំផុតនោះគឺមានតំបន់ទេសចរណ៍បុរាណប្រាសាទ បាណន់ តំបន់ទេសចរណ៍ធម្មជាតិ និងបុរាណភ្នំសំពៅ តំបន់ទេសចរណ៍កែច្នៃអាងកំពីងពួយ តំបន់ទេសចរណ៍បែបធម្មជាតិសេកសក ជ្រលងបុព្វតា និងការដើរទស្សនាផ្ទះបុរាណនៅក្នុងទីក្រុងបាត់ដំបងជាដើម ។

តំបន់ទេសចរណ៍ និងរមណីយដ្ឋាននានាត្រូវបានទទួលស្គាល់ថា ជាសសរស្តម្ភមួយនៃសសរស្តម្ភទាំង៥ ដែលអាចទ្រទ្រង់ដល់ការអភិវឌ្ឍនៅខេត្តបាត់ដំបង នាពេលអនាគត ឬក៏យើងអាចនិយាយបានថា «វិស័យទេសចរណ៍មានសក្តានុពលខ្ពស់នៅក្នុងខេត្តបាត់ដំបង ដោយសារតែនៅក្នុងខេត្តនេះ មានតំបន់ទេសចរណ៍ប្លែកៗជាច្រើន ដែលមានសក្តានុពល និងលក្ខណៈពិសេសផេ្សងៗគ្នា» ។ នៅក្នុងអារម្ភកថារបស់លោកប្រាជ្ញ ចន្ទ អភិបាលខេត្តបាត់ដំបង ដែលសរសេរនៅក្នុងសៀវភៅ «ផែនការអភិវឌ្ឍន៍ និងការការពារតំបន់ទេសចរណ៍សំខាន់ៗនៅក្នុងខេត្តបាត់ដំបង» បានថ្លែងថា «ទេសចរណ៍ជាវិស័យមួយដែលកំពុងទទួលបានជោគជ័យយ៉ាងខ្លាំងក្នុងការជំរុញ ល្បឿនរីកលូតលាស់នៃសេដ្ឋកិច្ចតាមរយៈផលប្រយោជន៍នៃទេសចរណ៍ បន្ទាប់ពីវិស័យកសិកម្ម» ។ លោកបានថ្លែងទៀតថា «ដើម្បីជំរុញលើវិស័យនេះ ខេត្តបាត់ដំបងបានរៀបចំ ឯកសារស្តីពីការអភិវឌ្ឍន៍ និងការការពារតំបន់ទេសចរណ៍ដល់គ្រប់ស្ថាប័នពាក់ព័ន្ធ អាជ្ញាធរដែនដី សង្គមស៊ីវិល ត្រូវតែចូលរួមគឺក្នុងគោលបំណងជាមាគា៌ណែនាំមួយសំរាប់ការអភិវឌ្ឍ និងការការពារតំបន់ទេសចរណ៍នៅក្នុងខេត្តបាត់ដំបងរបស់យើងប្រកបដោយ ចីរភាព៕

ប្រភព: http://kohsantepheapdaily.com.kh